Laister Arte!!

Beno ba, amaitu da aurtengo Frantziako elkartrukea! Baten batek esango du, "pasa den urteko berbera..." baino ez.

Urtero, ikasle taldeak ematen dion giroa eta bizitasuna errepika ezina da, eta aurtengoak ere ez dira atzean geratu. Baliteke batzuetan errebelde xamarrak izatea, euren kabuz ibiltzeko grin asezina edukitzea, baina aldi berean, lurralde ezezagun bat nola ezagutzen duten ikusteak ez dauka preziorik.

Etxera bidean esan genizuen, baina hemen jartzeak merezi duela iruditzen zait, mila esker bene benetan, elkartruke osoan eduki duzuen jarreragatik, hango familietan bizitu duzuena ulertzen saiatzeagatik, beste bizimodu bat errespetuz bizitzeagatik, autobusa txukun edukiz Pacori bere lana errezteagatik, zerbait eskatu zaizuenean bete bakarrik ez, gure lekuan jarri eta ulertzen saiatzeagatik, azken finean, izan zareten bezela izateagatik!

Eskolako pasiloetan ikusiko gara eta nork daki, agian beste elkartruke batean.....

Ondo izan ta txintxo ibili!!!

Bisita bikoitza

Mirabelle. What is it? Is it a plum or a cherry?
It's a small, round, yellow auctonous plum. Very sweet and delicious!!

Gaurko eguna gastronomikoa eta artisanala izan da. 

Mirabelle fruituaz eginiko produktu ezberdinak, gozokiak, bonboiak, siropea, aperitiboa, whiskya, ginebra, aguardientea, tartak, eztia, mermelada, … akaso badago zeozer mirabellekin egin ezin daitekeenik?? Eta hori gutxi bazen, postalez beteriko hiru kaxa (bakoitza 4 kg) eman dizkigute, nonbait Tolosatik barrena promozioa egiteko. Denok egin dugu erosketaren bat etxekoentzat eta baita han bertan edari batzuk dastatu ere.

Ondoren Baccarat herrira abiatu gara bertako beira berezia ezagutzeko asmotan, a zer nolako prezioa duen!!!! Bertako herritarrak oso adeikorrak direla egiaztatu dugu, herri erdian galduta aurkitu geranean autobusarekin.  Bi gida atsegin, gazte eta lerden etorri zaizkigu beirak herrian duen garrantzia erakusteko. Lehenik ostadar koloreko bidriera zuen eliza bat erakutsi digute, beira gorria zen nagusi, urrearen bidez lortutako kolorea, egin kontu zein “merkeak” ziren kirstal horiek!!

Gero udaletxeko areto nagusia ikustera eraman gaituzte, bertan eztabaidatxo bat sortu da gure hiru ikasle jakitunen artean (Aras, Xabi eta Jon) Gustavo Adolfo Becquer jaiotze datari buruz, batzuk 1836koa zela besteak 1837koa… elkarrizketa intelektual honek gida bera ere txunditurik utzi du!

Azkenik, beira fabrika ikusi ondoren, oroigarri batzuk erostera joan gara, eta batzuk 500 euroko oroigarritxo bat erostear egon dira, baina azkenean aduanako arazoak medio uztea erabaki dute.

Ostean, denok elkarrekin bazkaldu dugu Lunevilleko eskolako jantokian. Esan beharra dago gidak erabat harrituta geratu direla ikasleek jarrerarekin, interesa adierazi dute eta ondo portatu dira.

Azkenik irakasleak E Leclerc supermerkatura joan gara arratsalde pasa, bihar hemen egongo ez garen penarekin.


Je voudrais remercier les étudiantes de français pour  leur effort avec la langue française. Allez allez les filles!!!

Well, tomorrow is the end of another successful exchange. Thank you students for your cooperation, effort in speaking English and kindness towards us. You, the students, Tracy, Jokin, Tania and Paco the driver made a great team! 

Kanoi soinuak

Atzo Verdun herrira joan ginen, Lehen Mundu Gerra gehien pairatu zuen herrietariko bat. Ikasleak duela ehun urteko giroan murgildu ziren eta lehen pertsonan bizitu zuten garai hartako sufrimendua. Honekin batera gure Nantxotaz gogoratu ziren, hemen egotea zenbat gustatuko litzaiokeen pentsatuz.

Ondoren gudu-zelaietara joan ginen, eta ikasleak primeran egon ziren trintxera batetik bestera salto eginez!

Oso momentu hunkigarria bizi izan genuen soldaduen hilerrira igo ginenean, milaka soldadu frantziar eta alemanez beteriko hilerria. Gure Florence izeneko gidaren laguntza ezinbestekoa izan zen hilerriaren esanahia erabat ulertzeko.

Denok osorik iritsi ginen etxera hurrengo eguneko osteralditxoari aurre egiteko.